مرحومہ کے شوہر ایک بیٹا دو بیٹی اور ماں میں وارث کی تقسیم

مرحومہ کے شوہر ایک بیٹا دو بیٹی اور ماں میں وارث کی تقسیم؟

السّلام علیکم ورحمتہ اللّٰہ و برکاتہ ۔

کیا فرماتے ہیں علماء دین و مفتیان شرع متین درج ذیل مسئلہ کے بارے میں کہ زید کی بیوی ہندہ کا انتقال ہوگیا ہے،

ہندہ کے پاس اُسکے میکے کی  طرف سے دیا ہوا کچھ روپیہ ہے۔ ہندہ کا شوہر اس کا ایک بیٹا، دو بیٹی اور ماں ہیں۔ تو ہندہ کے ان روپیوں میں سے کس کو کتنا حصہ ملے گا۔

جواب جلد معتبر ومفصل عنایت فرمائیں۔

*المستفتی:- رضاءالقادری پورنوی انڈیا*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بسم اللہ الرحمٰن الرحیم 

الجواب بعون الملک الوھاب بصحت صدق سوال، بعد تقدیم ما تقدم علی الارث میکے سے ملا ہوا مال ہندہ کی ملکیت ہے، اس کے ترکہ کو 48 حصوں میں تقسیم کیا جائے، ان میں سے 12 حصے شوہر کو دیا جائے، 14 حصے بیٹا کو، 7، 7 حصے دونوں بیٹیوں کو، 8 حصے ماں کو۔

ہندہ۔12×4=48۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

شوہر۔   بیٹا۔   بیٹی۔  بیٹی۔   ماں۔ 

12۔      14۔    7۔       7۔       8۔ 

السراجیۃ میں ہے:

"واما للزوج۔۔۔ والربع مع الولد او ولد الابن و ان سفل۔۔۔۔ واما للام ۔۔۔ السدس مع الولد او ولد الابن و ان سفل"۔ (ص 20، 26) 

واللہ تعالیٰ اعلم باالصواب 

*کتبہ محمد کلام الدین نعمانی مصباحی بنوٹا، مہوتری، نیپال 23/محرم الحرام 1447ھ 19/جولائی 2025ء بروز ہفتہ*

*الجواب صحیح والمجیب نصیح*

*محمد مجیب قادری حنفی العربی لہان 18 دارالافتاءالبرکاتی علماء فاؤنڈیشن شرعی و جواب*

19/07/2025