مرحوم کی بیوی اور مرحوم کے دو بھائی اور دو بہنوں میں وراثت کی تقسیم

مرحوم کے بیوی اور مرحوم کے دو بھائی اور دو بہنوں میں وراثت کی تقسیم۔

کیا فرماتے ہیں مفتیان کرام وعلماء دین مسئلہ ذیل میں کہ شفیع اللّٰہ فوت ہو گیا ہے اس کے ترکے و وراثت میں تقریبا بارہ لاکھ (1200000) بنک بیلنس ہے، کیونکہ وہ ملاز م تھا، اس کے پاس کوئی اولاد نہیں ہے، صرف اس کی بیوی ہے اور اس کے دو بھائی ہیں اور دو بہنیں زندہ ہیں اب وہ بنک کی رقم کیسے تقسیم ہوگی، اور کتنی کتنی تقسیم ہوگی۔ رہنمائی فرمائیں 

*سائل:حفیظ احمد مصطفائی میانوالی پاکستان*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بسم اللہ الرحمٰن الرحیم 

الجواب بعون الملک الوھاب صورت مسئولہ میں بصحت صدق سوال، بعد تقدیم ما تقدم علی الارث، بعد تصحیح شفیع اللہ کا ترکہ آٹھ حصوں میں تقسیم کیا جائے، ان میں دو حصے بیوی کو دیا جائے، دو دو حصے دونوں بھائیوں کو، اور ایک ایک حصہ دونوں بہنوں کو۔

میت۔4×2=8۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بیوی۔     بھائی۔  بھائی۔   بہن۔  بہن۔

2۔           2۔        2۔        1۔     1۔

300000۔ 300000×2۔       150000×2 

یعنی 300000 بیوں کو دیا جائے،

 300000 ایک بھائی کو،

300000 دوسرے بھائی کو، 

150000 ایک بہن کو، 

150000 دوسری بہن کو۔

السراجیہ میں ہے:

"واما للزوجات فحالتان: الربع للواحدۃ فصاعدۃ عند عدم الولد و ولد الابن و ان سفل۔۔۔۔۔ واما للاخوات لاب و ام ۔۔۔۔۔ مع الاخ لاب و ام للذکر مثل حظ الانثیین یصرن بہ عصبۃ لاستوائھم فی القرابۃ الی المیت"۔ (ص 20، 24) 

واللہ تعالیٰ اعلم باالصواب 

*کتبہ محمد کلام الدین نعمانی مصباحی امجدی بنوٹا،مہوتری، نیپال 20/محرم الحرام 1447ھ 16/جولائی 2025ء بروز بدھ*

*صح الجواب*

*عبده المذہب محمد مجيب قادري حنفي العربي دارالافتاء البرکاتی علماء فاونڈیشن شرعی سوال و جواب*

19/07/2025