منقبت سرکار مخدوم پاک

 منقبتِ مخدومِ سمنانی علیہ الرحمہ

مرا دل مری جان مخدوم اشرف 

ترے در پہ قربان مخدوم اشرف

جوہیں تیرےمہمان مخدوم اشرف 

بڑے ہیں وہ ذیشان مخدوم اشرف

اے میرے نگہبان مخدوم اشرف 

ہٹا سر سے طوفان مخدوم اشرف

بنوں در کا دربان مخدوم اشرف 

یہ کِرپا ہو پردان مخدوم اشرف

ہمارا ہو کلیان مخدوم اشرف

بنے ہم بھی دھنوان مخدوم اشرف

تو کر ہم پہ کِرپا درشٹی ہمیشہ 

ہیں ہم تیرے سنتان مخدوم اشرف

طفیلِ شہنشاہِ کونین دے دو 

ہمیں کوئی وردان مخدوم اشرف

ببانگِ دہل کہہ رہا ہے زمانہ 

ہیں شاہوں کےسلطان مخدوم اشرف

بشیرِ حزیں سے نہ چھوٹےکبھی بھی 

ترے پاک دامان مخدوم اشرف

*-=== {{{{{{ فکر و قلم }}}}}}}===-*

*محمد بشیر القادری رضوی گلاب پوری نیپال حال مقیم کھنڈوہ ایم پی رابطہ نمبر 9770304521*