نعت نبی صلی اللہ علیہ وسلم

ہے سلطان دیں کی ادا خوب صورت 

 

بہت ہیں مرے مصطفیٰ خوبصورت

ہے ان سا نہیں  دوسرا  خوبصورت

ملیحِ  دو  عالم   جو   تشریف  لائے

تو  ہر  ذرہ    ہونے  لگا  خوبصورت

کلامِ خدا  میں  ہے  مرقوم   ہر  اک

"ہے سلطانِ دیں کی  ادا خوبصورت"

ہے   تہذیبِ   عالم   کے  مدِ   مقابل

نظامِ   حبیبِ     خدا    خوبصورت

زیادہ   زمانے   کے   آقاؤں  سے  ہے

درِ شاہِ  دیں   کا   گدا   خوبصورت

برائے   شہیدِ   رہِ   دینِ   حق    ہے 

فنا   خوبصورت   بقا   خوبصورت

برسنے لگی ہے غلاموں کے  سر  پر

سحابِ کرم  کی  گھٹا  خوبصورت

جو  لفظ  چنندہ  جمع  کر  رہا  تھا 

وہ مصرع بنا  نعت  کا  خوبصورت

بشیر ان سے مرقد میں ہوگا  تمہارا 

بفضلِ  خدا  سامنا   خوب  صورت

 

بشیر آج محفل میں  نعتِ  نبی  کا 

پڑھا  تو  نے  نغمہ  بڑا  خوبصورت

*-==== {{{{ فکر و قلم }}}} ====-*

*محمد بشیر القادری رضوی گلاب پوری نیپال حال مقیم کھنڈوہ ایم پی رابطہ نمبر 9770304521*