دو بھائی اور ایک بہن میں ترکہ کی تقسیم

 السلام علیکم ورحمۃ اللہ وبرکاتہ 

کیا فرماتے ہیں علماۓکرام اس مسئلہ کے بارے میں کہ ہندہ کے نام سے ایک بھیگہ (یعنی 50ڈسمل) زمین ہے اور اسکے دو لڑکے ایک لڑکی ہے اور ہندہ کا انتقال ہو گیا ہے تو کسکو کتنا حصہ ملیگا جواب عنایت فرمایئں

سائل:۔ عبداللہ قادری ممبئ مہاراشٹر انڈیا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بسم اللہ الرحمٰن الرحیم 

الجواب بعون الملک الوھاب صورت مسئولہ میں بعد تقدیم ما تقدم علی الارث ہندہ کے کل ترکہ کو 5 حصوں میں تقسیم کیا جائے۔ 

ان میں سے  2، 2 حصے دونوں لڑکوں کو دیا جائے۔ اور 1 حصہ لڑکی کو دیا جائے۔

قرآن کریم میں ہے:

"يُوصِيكُمُ اللَّهُ فِي أَوْلَادِكُمْ ۖ لِلذَّكَرِ مِثْلُ حَظِّ الْأُنثَيَيْن"۔ (النساء: 11،12)

مفہوم:  اللہ نے حکم دیا ہے کہ لڑکا کو لڑکی کا دو گنا حصہ دیا جائے۔

مسئلہ 5۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لڑکا              لڑکا           لڑکی 

2                    2                1

20                20                10

صورت مسئولہ میں ماں کے ترکہ سے دونوں بھائیوں کو 20،20 ڈسمل زمین ملے گی، اور بہن کو 10 ڈسمل زمین ملے گی، کیوں کہ قرآن کا حکم ہے کہ لڑکی کا دو گنا لڑکا کو دیا جائے۔واللہ تعالی اعلم بالصواب

کتبہ محمد کلام الدین نعمانی مصباحی

بنوٹا، مہوتری، نیپال

 1/رجب المرجب 1446ھ - 2/جنوری 2025ء بروز جمعرات